化療延期 :-(

原本打算順序把住院經過才開始寫其他的事情, 但今日覆診見完醫生後得知一個壞消息, 心情很不爽! 很想哭!!!!

想不到2015年的第一個願望很快就落空, 我只想如期化療而已, 難道很貪心麼?
或是天父考驗我的信心?

-------------------->>>>醫生宣佈這次化療要延期一星期 <<<-----------------------

是這樣的.......今日早上抽血+見醫生, 如果驗血結果合格, 最快明天或後天可打第五針, 醫生問我上一針後有無不適, 我答無呀!   不過29/12 起有隻牙痛, 然後一,兩日後就起了一粒類似牙瘡
的東西出現左......到而家都未消腿, 醫生立即話要延期化療!  因為化療後白血球會低, 傷口更難癒合, 所以要先處理牙瘡!

醫生寫了轉介信, 加蓋了URGENT STAMP, 我即日下午去了醫院主座大樓牙科部排隊登記.... 一等又是個半小時.......

基本檢查後依照醫生要求照了X-RAY, 再等多一陣又入診症室, 醫生話我牙痛的那隻牙下床沒有了一截牙骨, 所以很容易把食物殘渣藏了入去!  提議根治方法係剝左隻牙.................

我諗左幾秒就拒絶左, 因為隻牙响大牙前, 如果剝左佢, 一係由得以後有個虛位, 或者要植牙, 但我仲要做化療, 唔想因為隻牙而再有任何延期了!!!!

最後醫生幫我"清潔" 左那隻出事0既牙, 比左支藥性漱口水我.......打發了我。。。。叫我如果唔得就再返去睇!　　我心想：就算唔得都唔會再返嚟。。。。太求其吧！

今日時間就這樣過, 返到屋企已經1730.....

望住天使一號送的掛年曆上的金句, 有所安慰!

"耶和華必在你前面行, 衪必與你同在, 必不撇下你, 也不丟棄你.  不要懼怕, 也不要驚惶" 
申31:8