今日囝囝參加完學校活動後, 下午由中環坐港鐵到醫院探我, 令我超級感動~ 因為事前佢無通知我~ 而我都唔放心佢咁遠自行過嚟~ 何況這星期剛開學, 唔想佢分心, 所以多日都無見面了!
佢嚟到時未食午餐, 咁啱婆婆都响度, 我叫佢地去醫院canteen醫肚先, 唔好餓親!!
响囝囝嚟之前, 教會 Anita & Freda 剛探完我; 雖然多年無見到她倆, 但關心仍在~ Anita多年前患上鼻咽癌, 現已康復過來, 看著她, 我就有盼望自己同樣會有康復的一天~
對於她倆的關心, 從心感到溫暖~ 總比起一些人, 表面看似關心, 實情只是虛偽到極的人好得多!
由於連日嘔吐令我苦不堪言，又不知道自己情況何時好轉，又証實了患上cancer....日後會如何呢..... 一下子有點灰心喪志!
鄭醫生巡房時我想唔住問佢：＂醫生，我會唔會死架？＂
佢答:"會! 一定會! 我由出世嗰刻就知自己一定會死架啦!"
我笑了一下, 又係喎.......
被鄭醫生幽了一默. 佩服佢把嚴肅的問題化為輕鬆答案!
沒有留言:
發佈留言